എന്റെ ഭൂതകാലം
ചികയുന്നവരോട്
ഞാൻ എന്ത് പറയാൻ....
അതി വിചിത്രങ്ങളായ
ഒന്നും നിങ്ങള്ക്കവിടെ
കാണുവാൻ കഴിയില്ല...
...
പച്ച മണ്ണിൻറെ
മണം പോലെ
പച്ചയായ ഞാൻ
മാത്രമാണെന്റെ ഭൂതകാലം
അവകാശപ്പെടാൻ
തൊട്ടു കാണിക്കാൻ
ഭീകരമായി
ഒന്നുമില്ലാത്ത
ഒരു ഭൂതകാലം...
അതിലെ നെല്ലും പതിരും
പരതി
സമയം കളയുന്നവരോട്
എന്നെ ഞാനല്ലെന്നു,
അല്ലെങ്കിൽ ഞാനിങ്ങനെ ആണെന്ന്
വാദിക്കുന്നവരോട്
ഒരു വരി പറഞ്ഞോട്ടെ
നിങ്ങൾ എന്നെ അറിയുന്നില്ല
അല്ലെങ്കിലും ഞാനെന്നെ
മുഴുവൻ നിങ്ങള്ക്ക്
കാണിക്കുകയുമില്ല
നിങ്ങള്ക്ക് മുന്നില്
ഒരു കുഞ്ഞു വാതിലെങ്കിലും
എനിക്കടച്ചേ പറ്റൂ
എനിക്ക് ഞാൻ ആയേ പറ്റൂ
നല്ല പച്ച മണ്ണിന്റെ
മണമുള്ള ഞാൻ.
- ദീപു മാധവന് - 21-03-2013
No comments:
Post a Comment