നിന്റെ
പൂമ്പാറ്റയാണെന്ന് ചൊല്ലി
നീ തുന്നിപ്പിടിപ്പിച്ച
ശലഭ ചിറകുകൾ
സ്വപ്നങ്ങളിലാരോ
മുളം ചില്ല ...
കൊണ്ടെറിഞ്ഞു വീഴ്ത്തുന്നു
കാറ്റിനും
തേൻ നുകരും
പൂവിനും
നോവാതിരിക്കാൻ
കനം കുറച്ചു
നീ തുന്നിയ
ചിറകുകൾ
ചിതറിയകലുന്നത്
തൊണ്ടയിലെവിടെയോ
കുരുങ്ങിയ
ശബ്ദം മാത്രമായി
ഞാൻ കണ്ടു നില്ക്കുന്നു
എത്ര ചിതറിയകന്നിട്ടും
നീ തുന്നിപ്പിടിപ്പിച്ച
നിറങ്ങളൊക്കെയും
പുഞ്ചിരിച്ചു കൊണ്ടെന്നെ
വട്ടമിട്ടു പറന്നു
കൊണ്ടേ ഇരുന്നു
ഞാനുമാ
ചിറകിൻ കഷ്ണങ്ങൾക്ക് കൂടെ
ഒരു കൊക്കയിലേക്ക്
പതിക്കുന്നു
നീ തുന്നിയ നിറങ്ങളുടെ
താഴ്വാരത്തിലേക്ക്
- ദീപു മാധവൻ - 13-03-2014
പൂമ്പാറ്റയാണെന്ന് ചൊല്ലി
നീ തുന്നിപ്പിടിപ്പിച്ച
ശലഭ ചിറകുകൾ
സ്വപ്നങ്ങളിലാരോ
മുളം ചില്ല ...
കൊണ്ടെറിഞ്ഞു വീഴ്ത്തുന്നു
കാറ്റിനും
തേൻ നുകരും
പൂവിനും
നോവാതിരിക്കാൻ
കനം കുറച്ചു
നീ തുന്നിയ
ചിറകുകൾ
ചിതറിയകലുന്നത്
തൊണ്ടയിലെവിടെയോ
കുരുങ്ങിയ
ശബ്ദം മാത്രമായി
ഞാൻ കണ്ടു നില്ക്കുന്നു
എത്ര ചിതറിയകന്നിട്ടും
നീ തുന്നിപ്പിടിപ്പിച്ച
നിറങ്ങളൊക്കെയും
പുഞ്ചിരിച്ചു കൊണ്ടെന്നെ
വട്ടമിട്ടു പറന്നു
കൊണ്ടേ ഇരുന്നു
ഞാനുമാ
ചിറകിൻ കഷ്ണങ്ങൾക്ക് കൂടെ
ഒരു കൊക്കയിലേക്ക്
പതിക്കുന്നു
നീ തുന്നിയ നിറങ്ങളുടെ
താഴ്വാരത്തിലേക്ക്
- ദീപു മാധവൻ - 13-03-2014
