ആകാംക്ഷ

 

 

 

 

 

 

 

 

 

 

 

 

 

 

 

 

ഓരോ വഴികളിലും
ഞാൻ ആരെയോ തിരയുന്നുണ്ട്
ആരെന്നറിയാത്ത ആരെയോ

ഓരോ മുഖങ്ങളും
സൂക്ഷ്മം നിരീക്ഷിക്കുന്നു
ആരെന്നറിയാത്ത ആര്ക്കോ വേണ്ടി
...
നടന്നു തീർത്ത വഴികളിലെല്ലാം
ഓരോ തിരിവുകളിലും
എന്നെ തിരിച്ചറിയാൻ
ആരൊക്കെയോ ഉണ്ടാകുമെന്ന തോന്നൽ

ഓരോ കാലടിയുടെയും
ലക്‌ഷ്യം അതായിരുന്നു
എന്ന് തോന്നും പലപ്പോഴും

ഉടക്കുന്ന കണ്ണുകൾ പലതും
അപരിചിതം

എങ്കിലും അടുത്ത കണ്ണുകളിലേക്ക്
നീളുന്ന ആകാംക്ഷ

ഏതെങ്കിലും ഒരു തിരിവിൽ
ഞാൻ ആ അപരിചിതരെ
കണ്ടു മുട്ടുമായിരിക്കാം
ഇത്രയും നാൾ
കാത്തു വച്ച ചോദ്യങ്ങൾ
ചോദിക്കുമായിരിക്കാം
കഥകൾ പറയുമായിരിക്കാം

വീണ്ടുമൊരു യാത്രയിൽ
അടുത്ത കണ്ണുകളിൽ നിന്ന്
ആകാംക്ഷയുടെ
അടുത്ത കണ്ണുകളിലേക്ക്
എന്നെ കാത്തിരിക്കുന്ന
ആരെന്നറിയാത്ത ആര്ക്കോ വേണ്ടി...

- ദീപു മാധവന് - 31-03-2013