അല്ലെങ്കിലും ഈ വാച്ച്
ഇടയ്ക്കിടെ കാണുന്നതല്ലേ
അത് കാണുമ്പോള്‍ എന്തിനാണ്
ഞാന്‍ നിന്നെ ഓര്‍ക്കുന്നത് ?
കയ്യില്‍ വാച്ചുന്ടെങ്കിലും
എന്റെ കൈ പിടിച്ച്
സമയം നോക്കിയിരുന്നത്
ഓര്മ വരുന്നേ ഇല്ല
പിന്നെ എന്തിനാണ്
ഞാന്‍ നിന്നെ ഓര്‍ക്കുന്നത് ?
അയ്യോ സമയം ഇത്രയായോ
എന്ന് പറഞ്ഞു മണിക്കൂറുകള്‍
നമ്മെ സഹിച്ച ബെഞ്ചിനെ
ഒന്ന് തിരിഞ്ഞു പോലും നോക്കാതെ
അവസാനത്തെ ട്രെയിന്‍ പിടിക്കാന്‍
നീ ഓടിയിരുന്നത് എനിക്കോര്‍മ
വരുന്നേ ഇല്ല
പിന്നെ എന്തിനാണ് ഞാന്‍ നിന്നെ ഓര്‍ക്കുന്നത് ?
നീ വരാമെന്ന് പറഞ്ഞ ദിവസം
ഒരായിരം പ്രാവശ്യം
ഞാനീ വാച്ച് നോക്കിയിരുന്നത്
എനിക്കോര്‍മ വരുന്നേ ഇല്ല
പിന്നെ എന്തിനാണ് ഞാന്‍ നിന്നെ ഓര്‍ക്കുന്നത് ?
നിന്റെ ഒരു ഫോണ്‍ കോളില്‍ നിന്നും
മറ്റൊന്നിലേക്കുള്ള ദൂരം
എത്ര എന്ന് സെക്കന്ഡ് സഹിതം
കാണിച്ചു തന്നിരുന്നതോന്നും
എനിക്കൊര്മയെ ഇല്ല
പിന്നെ എന്തിനാണ് ഞാന്‍ നിന്നെ ഓര്‍ക്കുന്നത് ?
നീയില്ലാതെ ഇരിക്കുമ്പോള്‍
ഞാനീ വാച്ച് നോക്കി
കടന്നു പോയ ദിവസങ്ങളും , വര്‍ഷങ്ങളും
ഒന്നും എനിക്കൊര്മയെ ഇല്ല
പിന്നെ എന്തിനാണ് പെണ്ണെ
ഈ വാച്ച്ലൂടെ വന്നെന്നെ
നേരമില്ലാ നേരത്ത് ചുമ്മാ കെട്ടിയിടുന്നത് ?
- ദീപു മാധവന്‍ 06-02-2013
3 comments:
നന്നായിരിക്കുന്നു ദീപു, പറയാതെ പറയുന്ന രീതിയും, വാച്ചിനെ connect ചെയ്ത രീതിയും ഇഷ്ടമായി..........
നന്നായിരിക്കുന്നു ദീപു, പറയാതെ പറയുന്ന രീതിയും, വാച്ചിനെ connect ചെയ്ത രീതിയും ഇഷ്ടമായി..........
Nandhi mashe
Post a Comment