Saturday, November 22, 2008

പിൻവിളി


നടന്നു തീർത്ത വഴികൾ-
പുറകിലേക്കു നടക്കുവാൻ
പറയുംബോഴാണ്, മിക്കപ്പോഴും
എനിക്കു വഴി തെറ്റുന്നത്

കണ്ടുവച്ച മൈൽക്കുറ്റികളും
തണൽ മരങളുമൊക്കെ
ഒരു പാടു മാരിയിരിക്കുന്നു
അല്ലെങ്കിൽ,
മാറ്റപ്പെട്ടിരിക്കുന്നു..

വളവിനിപ്പുറത്തെ
സെമിത്തേരിക്കു മാത്രം
ഒരു മാറ്റവുമില്ല, തുരുംബെടുത്ത
ഗെയ്റ്റും, കുരിശുകളും
ഒക്കെ പഴയ പോലെ തന്നെ..

ഇനിയും
നടക്കാമെന്നു വച്ചാൽ
കുറ്റാകുറ്റിരുട്ടാണ്
വഴി ഇടുങ്ങി വരുന്നു
ചാവാലിപ്പട്ടികൾ എന്തോ-
കണ്ടതു പോലെ മോങ്ങുന്നു...

വഴി തെറ്റിയിട്ടും
ദൂരത്തു കാണുന്ന
ആ പൊട്ടു വെളിച്ചം
ഒരു വിളി പോലെ
പക്ഷെ , അടുത്ത നിമിഷം
ഞാൻ തിരിച്ചു നടക്കുകയായിരുന്നു..
അതു വേണമായിരുന്നു....!!!
അതായിരുന്നു ശരി....

ദീപു മേലാറ്റൂർ 19.02.08

ഇടവേള - 5 മാസം 6 ദിവസം



എവിടെ വച്ചാണ് എന്റെ-

വാക്കുകൾക്കു മുറിവേറ്റത് ?

എവിടെയാണ് എനിക്കു തിരശീലക്കു പിന്നിൽ

മറയേണ്ടിവന്നത് ?



എന്തു മോന്തിയാണിന്നുവരെ-

യെന്റെ തൂലികയുടെ കാഴ്ച

നഷ്ടപ്പെട്ടത് ?



തിളക്കുന്ന നെഞ്ചിലെ

ലാവ തന്നെയായിരുന്നു പലതും

ഇനിയേതു കണ്ണിന്റെ

ഇനിയേതു കിണറിന്റെ

ഇനിയേതു ചങ്കിന്റെ ,

ആ‍ഴങ്ങളിലാണു ഞാൻ-

എന്നെ തിരയേണ്ടത് ?



എല്ലാം വറ്റി വരണ്ടു -

കിടക്കുകയാണ്...

ഒരു മഴ കാത്തു കിടക്കുകയാണ്

ഞാനും...!


മരങ്ങൾക്കിടയിൽ നിന്നും

നിങളെന്നെത്തന്നെ നോക്കിക്കൊണ്ടിരിക്കണം.

മിന്നൽ പോലൊന്നു നമ്മെ -

വന്നു പുണരും..

ചിലതു കരിഞ്ഞുണങ്ങും

ചിലതു തളിർക്കും 'കൂണു' പോലെ

കാത്തിരിക്കുന്നു...


5 മാസത്തെ ഇടവേളക്കു ശേഷം 21.11.08 ദീപു മേലാറ്റൂർ