ബന്ധങ്ങളുടെ
വില..!!
ആ ദീർഘനിശ്വാസം
എന്തിനോ
എന്നെ പൊള്ളിക്കുന്നു
...
കൂട്ടുകാരാ
വാക്കൊന്നിനു
നൂറു പണത്തൂക്കം
തൂക്കി അളക്കാൻ
പൊന്നല്ലല്ലൊ
എങ്കിലും പൊന്നിനെക്കാൾ
തിളക്കുമുണ്ടാകണം
മൂല്യമുണ്ടാകണം
ഓർമകളിൽ നീ എന്നുമുണ്ട്
നീയിതു പറയുമ്പോൾ
അകമേ
നിറയുന്നോരീ
മൌനത്തിനുള്ളിൽ
നിറയെ
ചോദ്യങ്ങളാണ്
ഒന്നിൽ
നിന്നോന്നിലേക്ക്
എന്നിൽ നിന്നും
നിന്നിലേക്ക്
എന്നിങ്ങനെ
പടര്ന്നു നീങ്ങുന്ന
ഒരായിരം
ചോദ്യങ്ങൾ
ചോദ്യങ്ങൾക്കൊക്കെ
മറുപടി കുറെയേറെ
ഓർമകളിൽ
നീ ഇന്നുമുണ്ടെന്നത് മാത്രം
ഈ ഘനീഭവിച്ച
മൌനത്തിനുള്ളിൽ
നിന്നും
എത്ര ദൂരം
നാം സഞ്ചരിക്കണം
നമ്മുടെ പഴയ
ദിന രാത്രങ്ങളുടെ
മങ്ങിയ വെളിച്ചത്തിലേക്ക്
കവികളെ കവിതകളെ
രുചിച്ചു തള്ളിയ
വൈകുന്നെരങ്ങളിലേക്ക്
ഉറക്കെ പാടി
വെളുപ്പിച്ച രാവുകളിലേക്ക്
നീ വരും
നമ്മൾ പഴയ തട്ടകത്തിൽ
ഒരുമിച്ചിരുന്നു പാടും
മറന്നിരുന്നില്ലെന്നു മാത്രമല്ല
മറക്കുകില്ലോരിക്കലും
സ്വന്തം ദീപു - 19-11-14
No comments:
Post a Comment