Monday, December 15, 2014

പ്രിയപ്പെട്ട മാപ്പിൾ



അന്നേ വരെ
ജീവിതമെന്നോട് പറയാതെ
മാറ്റി വച്ചതൊക്കെ ...
പറയാനായിരിക്കണം
നിന്നെ എന്നിലെക്കയച്ചത്


അടുപ്പത്തെക്കാൾ
അകലമുണ്ടായിരുന്നിട്ടും
എനിക്കും നിനക്കുമിടയിൽ
കരുതലിന്റെ
നേർത്ത കമ്പടം പോലെയൊന്ന്
നമ്മെ പൊതിഞ്ഞു
ചേർത്ത് പിടിച്ചിരുന്നു

നമ്മളന്യരല്ല എന്നോര്മ്മപ്പെടുത്തി
കൊണ്ട് കടന്നു പോയ
കാലമെത്ര വിചിത്രമായ
തെരുവുകളാണ് നമ്മെ കാണിച്ചത്
പലതും സ്വപന്ങ്ങളിലെങ്കിലും

ആകാംക്ഷയുടെ കുഞ്ഞുങ്ങളെപ്പോലെ
നാം ഇപ്പോഴും ആ തെരുവുകളിൽ
എവിടെയൊക്കെയോ ഉണ്ട്

 സ്വപ്നങ്ങളിൽ മാത്രം നാം
കണ്ടു മുട്ടാറുള്ള ആ തെരുവുകളിൽ
കാലമിനിയും ഉരുളട്ടെ
വിചിത്രമായ തെരുവുകളിൽ
നമുക്കിനിയും കാത്തിരിക്കണം

നമ്മുടെ പ്രിയപ്പെട്ട നാമേറെ സ്വപ്നം കണ്ട
മഞ്ഞു പെയ്യുന്ന
മാപ്പിൾ മരങ്ങളുടെ ചുവട്ടിലെ ബെഞ്ചിൽ...!!!

- ദീപു മാധവന് 15-12-2014