എന്റെ പ്രണയമേ

കോരി ചോരിയുന്നൊരു-
പെരുമഴക്കാലത്ത്......
അനുവാദം ചോദിക്കാതെയെന്റെ,
കുടക്കീഴിലെക്കൊടിക്കേറിയ...
.
മിഴി നിറച്ചു കൊണ്ടൊരു വാക്കും
പറയാതെ ഇറങ്ങിപ്പോയ.....
ഒരുപാടോര്‍മകള്‍ എന്റെ മാത്രമാക്കിയ
എന്റെ പ്രണയമേ....

മഴ ഇപ്പോഴും തകര്‍ത്തു പെയ്യുന്നു....
നമ്മുടെ കാല്‍പ്പാടുകള്‍ പതിഞ്ഞ-
പാതയോരങ്ങള്‍ , ഇടനാഴികള്‍....
ഒക്കെ മഴയുടെ ആലസ്യത്തില്‍
നമ്മെ കാത്തു കിടക്കുന്നുണ്ടാവും.....

എന്റെ കൈ പിടിക്കുക, നമുക്കൊരുമിച്ചീ-
മഴ നനയണം....
നമ്മില്‍ നാം പണ്ടേ കുറിച്ചിട്ട
പ്രണയാക്ഷരങ്ങള്‍ തെളിഞ്ഞു വരും
നിമിഷം വരെ...

പിന്നെ ഈറനുണങ്ങും വരെ
മഴ തെളിഞ്ഞ ആകാശം നോക്കി കിടക്കണം
അന്തിയിരുട്ടും വരെ...

ദീപു മേലാറ്റൂര്‍ _ 27-06-2012_ 08 : 34 am