അഗ്നിശുദ്ധി

 

 

 

 

 

 

 

 

 

 

 

 

 

മായകളുടെ രാത്രിയായിരുന്നു
ഇന്നലെ
തീ കൊണ്ട് അടയാളം
കാണിച്ചിരിക്കുന്നു
ഇന്നലെ രാത്രി

എന്തോ ഒഴിഞ്ഞു പോയതാവാം
... അല്ലെങ്കിൽ എന്തിന്റെയോ
തുടക്കവുമാകാം

നിമിഷാർദ്ധം കൊണ്ട്
വെന്തു കരിയാതിരുന്നത്
ആരുടെയൊക്കെയോ
പ്രാര്ത്ഥനകളുടെ
പുണ്യമാകണം

ആളിപ്പടരുന്ന തീ
ഉറക്കത്തിൽ പോലും
വന്നെന്തോ പറയാൻ ഭാവിക്കുന്നു

വ്യക്തമാകും മുൻപ്
പൊടുന്നനെ കത്തിയമർന്നു
മായാജാലം കാണിക്കുന്നു

"ഓം മഹാജവാലായ വിധ്മഹെ
അഗ്നി ദേവയ ധിമഹി
തന്നോ അഗ്നി പ്രചോദയാത്.."

ഇന്നലെ അടയാളം കാണിച്ചു മടങ്ങിയ
അഗ്നിയെ പുകഴ്താതെ തരമില്ല
'അഗ്നിശുദ്ധി' അതിനോളം
വരില്ലൊന്നും
എന്നിരിക്കെ.....

ദീപു മാധവന് - 01-04-2013